\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 16
kR^itAbhiSheko rAmastu sItA saumitrireva cha . 
tasmAdgodAvarItIrAttato jagmuH svamAshramam .. 1..\\
Ashrama.n tamupAgamya rAghavaH sahalakShmaNaH . 
kR^itvA paurvAhNika.n karma parNashAlAmupAgamat .. 2..\\
sa rAmaH parNashAlAyAmAsInaH saha sItayA . 
virarAja mahAbAhushchitrayA chandramA iva . 
lakShmaNena saha bhrAtrA chakAra vividhAH kathAH .. 3..\\
tadAsInasya rAmasya kathAsa.nsaktachetasaH . 
ta.n desha.n rAkShasI kA chidAjagAma yadR^ichchhayA .. 4..\\
sA tu shUrpaNakhA nAma dashagrIvasya rakShasaH . 
bhaginI rAmamAsAdya dadarsha tridashopamam .. 5..\\
si.nhoraskaM mahAbAhuM padmapatranibhekShaNam . 
sukumAraM mahAsattvaM pArthivavya~njanAnvitam .. 6..\\
rAmamindIvarashyAma.n kandarpasadR^ishaprabham . 
babhUvendropama.n dR^iShTvA rAkShasI kAmamohitA .. 7..\\
sumukha.n durmukhI rAma.n vR^ittamadhyaM mahodarI . 
vishAlAkSha.n virUpAkShI sukesha.n tAmramUrdhajA .. 8..\\
priyarUpa.n virUpA sA susvaraM bhairavasnavA . 
taruNa.n dAruNA vR^iddhA dakShiNa.n vAmabhAShiNI .. 9..\\
nyAyavR^itta.n sudurvR^ittA priyamapriyadarshanA . 
sharIrajasamAviShTA rAkShasI rAmamabravIt .. 10..\\
jaTI tApasarUpeNa sabhAryaH sharachApadhR^ik . 
Agatastvamima.n deshaM katha.n rAkShasasevitam .. 11..\\
evamuktastu rAkShasyA shUrpaNakhyA parantapaH . 
R^ijubuddhitayA sarvamAkhyAtumupachakrame .. 12..\\
AsIddasharatho nAma rAjA tridashavikramaH . 
tasyAhamagrajaH putro rAmo nAma janaiH shrutaH .. 13..\\
bhrAtAya.n lakShmaNo nAma yavIyAnmAmanuvrataH . 
iyaM bhAryA cha vaidehI mama sIteti vishrutA .. 14..\\
niyogAttu narendrasya piturmAtushcha yantritaH . 
dharmArtha.n dharmakA~NkShI cha vana.n vastumihAgataH .. 15..\\
tvA.n tu veditumichchhAmi kathyatAM kAsi kasya vA . 
iha vA kiMnimitta.n tvamAgatA brUhi tattvataH .. 16..\\
sAbravIdvachana.n shrutvA rAkShasI madanArditA . 
shrUyatA.n rAma vakShyAmi tattvArthaM vachanaM mama .. 17..\\
aha.n shUrpaNakhA nAma rAkShasI kAmarUpiNI . 
araNya.n vicharAmIdamekA sarvabhaya~NkarA .. 18..\\
rAvaNo nAma me bhrAtA rAkShaso rAkShaseshvaraH . 
pravR^iddhanidrashcha sadA kumbhakarNo mahAbalaH .. 19..\\
vibhIShaNastu dharmAtmA na tu rAkShasacheShTitaH . 
prakhyAtavIryau cha raNe bhrAtarau kharadUShaNau .. 20..\\
tAnaha.n samatikrAntA rAma tvApUrvadarshanAt . 
samupetAsmi bhAvena bhartAraM puruShottamam . 
chirAya bhava bhartA me sItayA ki.n kariShyasi .. 21..\\
vikR^itA cha virUpA cha na seya.n sadR^ishI tava . 
ahamevAnurUpA te bhAryA rUpeNa pashya mAm .. 22..\\
imA.n virUpAmasatI.n karAlAM nirNatodarIm . 
anena saha te bhrAtrA bhakShayiShyAmi mAnuShIm .. 23..\\
tataH parvatashR^i~NgANi vanAni vividhAni cha . 
pashyansaha mayA kAnta daNDakAnvichariShyasi .. 24..\\
ityevamuktaH kAkutsthaH prahasya madirekShaNAm . 
ida.n vachanamArebhe vaktuM vAkyavishAradaH .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}